मोहन कार्की 

धेरै नेपाली तथा विदेसीका लागि नेपाल ''माउन्ट एभरेष्ट''को देश वा गौतम बुद्ध जन्मेको देश भन्दा केही पनि होइन । यही दुइटा उपमा बाहेक देखाउने अरु चीजनै छैन भन्ने हिनताबोध पनि छ कतिमा । धुलो धुँवा र गरिबी त नेपालको परिचय नै बनेको छ । तर पनि विदेशीहरु गएकै छन् । नेपाललाई माया गरेकै छन्  । कम्तिमा माया गरेका छौं भनेकै छन् । अनि नेपालका राम्रा नराम्रा पक्षहरु विश्वभरि पुर्याएकै छन् । यस्तैक्रममा नेपाललाई माया गर्ने एक कोरियाली पर्यटक थपिएकी छिनऽ प्राध्यापक यु जङ्ग ई । तर उन्ले खोजेको र भेटेको नेपाल फरक छ । उनी अन्य कुराको अलावा नेपालमा स्तरीय साहित्य र संस्कृति पनि छ  भन्छिन र त्यसलाई कोरियसँग आदान प्रदान गर्ने  उद्धेश्य राखेर सकृय छिन् । 
१९६३मा छुङ्गनामको छनानमा जन्मेकी यु जङ्ग ईले  आधुनिक कोरियन कवितामा विद्यावारिधी गरेकी छिन् र विश्वविद्यालयमा पनि कवितानै पढाउछिन आफुले पनि कविता लेखी समसामयिक कोरियनहरुबीच आफुलाई उभ्याएकी छिन् । बाल साहित्य लेखनमा पनि उनी त्यत्तिकै सकृय छिन् । भर्खरै मात्र कोरियाली साहित्यिक पत्रिका मुनाहकसनको वर्षाद अंकमा नेपाली काव्य विशेषांक निकाल्न सक्रिय यु जङ्ग ई गत महिना फेरि नेपाल पुगिन् । साथमा १३ जना विद्यालय स्तरका विद्यार्थीहरु लिएर । ती विद्यार्थीहरुले नेपालमा एक महिना भन्दा बढी बसी धेरै कुरा सिके । नेपाली विद्यार्थीहरु माझ कोरियाली संस्कृति प्रस्तुतिहरु गरे । उनीहरुले काठ्मान्डु  पोखरा  झापा  इलाम  नुवाकोट लगायतका जिल्लाहरुमा शैक्षिक भ्रमण पनि गरे । यो भ्रमण व्यवस्थापन गर्न नेपाली साहित्यकार कवि कृष्ण प्रसाईंले सहयोग गरेका हुन ।

प्रश्नः  नेपाल घुमेर आउनुभएको रहेछ  सबैभन्दा रमाइलो कुरा के देख्नुभयो ?
मैले नेपालीहरु सबै मिजासिलो पाएँ । प्रतिकुल राजनीतिक वातावरणले अशान्ति भए पनि नेपालीहरुकॊ मनस्थिति स्वस्थ्य भएको राम्रो लाग्यो । म वर्षालाई मन पराउने स्वभावको भएकोले पानी परेको हेर्ने मन भए  पनि राति पानी पर्ने अनि दिउँसो चाँहि टण्टलापुर घाम लाग्नाले दिक्क लाग्यो । तर राति पानी परेर दिउँसोचाहिँ सफा भएको आकाशको दृष्य असाध्यै रमाइलो लाग्यो ।

 अवश्यनै । कोरियामा शैक्षिक विदा भएको मौका पारी विश्वविद्यालयका विद्यार्थीहरुलाई घुमाउने विचार पनि छ । अझ भ्रमण साथसाथै केही परोपकारका कार्यक्रम लाने पनि  विचार छ । साथै डाक्टर नस्रहरुलाई लिएर गई उपचार क्याम्प चलाउने बारेमा पनि सोचिरहेको छु ।