भू-उपग्रह तोकिएको कक्षमा पुर्याउन असफल माधवी भट्ट सौल, भदौ ९ बैज्ञानिक भू उपग्रह अन्तरिक्षमा पठाउन दक्षिण कोरियाले मंगलवार गरेको रकेट प्रक्षेपण असफल भएको छ। बहुप्रतिक्षित कोरिया स्पेस लञ्च भेइकल - १ (केएसएलभी१) नामक रकेट सोलदेखि ४ सय ८५ किमी दक्षिणमा रहेको प्याडबाट साँझ ५ बजे आकासिएको थियो। रकेट वैज्ञानिक भू-उपग्रहबाट ३०६ किमी अग्लाइमा अलग हुनुपर्नेमा ३४० किमी अग्लाइमा मात्र अलग भएको थियो।
पहिलो रकेट प्रक्षेपणबाट यहाँका जनता खुशीले उत्साहित भएका थिए। तर आकासिएको केही समयपछि नै राष्ट्रिय समाचार एजेञ्सी योनहापले रकेटमा जडित भू-उपग्रह लक्षित कक्षमा पुग्न नसकेको जनाएको हो । सन २००५ मा पहिलोपटक प्रक्षेपण गर्ने तयारी गरिएको यो रकेट विभिन्न कारणवस यसअघि सात पटक स्थगित भएको थियो ।
रकेट प्रक्षेपणमा संलग्न वैज्ञानिकहरुले सवै प्राविधिक र व्यवहारिक पक्ष सामान्य रहदारहदै पनि लक्ष्य पुरा हुन नसकेको टिप्पणी गरेका छन । रकेट तथा भू-उपग्रह पृथ्वीको कक्षमा पुगेको तर पूर्वनिर्धारित स्थानमा राख्न मात्र नसकिएकाले यसलाइ अर्ध सफलता मान्नुपर्ने तर्क उनीहरुको छ । यहाँका संचार माध्यमले रकेट पृथ्वीको कक्षमा पुगिसकेको दृश्यहरु देखाएका थिए। वुधवार विहानसम्ममा यसमा जडित भू-उपग्रह ले नारो स्पेस सेन्टरमा कम्युनिकेसन गर्ने अपेक्षा गरिएको थियो। पृथ्वीको विकिकरण शक्तिको अनुगमन गर्ने उद्देश्य यो प्रक्षेपणको रहेको यहाँको विज्ञान मन्त्रालयले जनाएको छ ।
दक्षिण कोरियाको राजधानी सौलदेखि ४ सय ८५ किमी दक्षिणमा रहेको न्यारो स्पेस सेन्टरको रकेट प्याडबाट कोरियाली समय अपरान्ह पाँचवजे साइन्टिफिक स्याटलाइट बोकेर यो रकेट आकासिएको हो । 'रकेटको सफल प्रक्षेपणले कोरियाली जनताको विजय भएको छ' प्रधानमन्त्री हान ह्योङ सुकले टेलिभिजन सम्बोधन गर्दै भनेका थिए। कोरियाले रुससँगको प्राविधिक सहकार्यमा यो रकेट तयार गरेको हो। दुइभाग रहेको नारो १ रकेटको पहिलो भाग रुसले बनाएको हो भने दोस्रो भाग कोरियाले। सफल भएको भए अन्तरिक्षमा रकेट प्रक्षेपण गर्न सक्षम राष्टहरुको दशौं स्थानमा दक्षिण कोरिया उभिने थियो।
यसअघि उत्तर कोरियाले गत अप्रिलमा लामोदुरी मार हान्न सक्ने रकेट प्रक्षेपण गरेको थियो। उसले मिसाइल परिक्षण पनि गरेको अनुमान छ। उत्तर कोरियाले रकेट प्रक्षेपण गर्दा दक्षिण कोरिया, जापान, अमेरिकका लगायत राष्ट्रहरुले चर्को विरोध गरेका थिए। दक्षिण कोरियाको प्रक्षेपणमा हालसम्म उत्तर कोरिया तथा अन्य राष्ट्रहरुले प्रतिक्रिया जारी गरेका छैनन। दक्षिण कोरियाले सन २०१८ मा सम्पूर्ण रकेट आफ्नै प्रविधिमा तयार गर्ने र सन २०२५ मा चन्द्रमामा रकेट पठाउने लक्ष्य लिएको छ। स्याटेलाइटको ग्लोवल विजजेस गर्ने लक्ष्य कोरियाको छ।
