कलाकार भिषामा १ सय १४ नेपाली महिलासहित केही पुरुष कोरिया पठाउने सम्बन्धी विज्ञापन केहीदिनअघि नेपालको एक दैनिकमा (कान्तिपुर) छापिएको विषयले यहाँ रहेका नेपालीहरुमाझ व्यापक चर्चा पाएको छ ।लामो समयदेखि कोरियामा श्रमको अनुभव सँगालेका नेपालीहरुले विज्ञापनमा उल्लेखित मापदण्डका आधारमा कोरियामा कुनै पनि विदेसी श्रमिक आउन नसक्ने उल्लेख गर्दै त्यसतर्फ नेपाल सरकार सजग हुनुपर्ने बताएका छन । कोरियाली नाइटक्लवऽ वार र रेडलाइट एरीयामा समेत विदेसी महिला प्रयोग हुदै आएको उदाहरण दिदै उनीहरुले नेपाली महिलाहरु पनि यस्तै कुनै प्रयोजनका लागि ल्याइन लागेको हुन सक्ने खतरा देखाएका छन । ब्लु डायमण्ड इन्टरनेसनल अोभरसिजका तर्फवाट साउन २५ मा कोरियामा रोजगारको सुवर्ण अवसर नाममा उक्त विज्ञापन छािएको छ ।

''उक्त विज्ञापनमा गायक तथा म्युजिसयनका लागि मासिक ४ सय डलर भनिएको छ । जुन कोरियाको हकमा पूर्णत गैर कानूनी हो ।'' करीव १८ वर्ष कोरियामा श्रम गरी गत महिना नेपाल फर्काइएका नरेन्द्र गुरुङ भन्छन "कुनैपनि स्वदेसी वा विदेसी श्रमिकलाइ यहाँ ९ लाख वन करीव ८ सय अमेरिकी डलर दिनुपर्दछ ।" गुरुङ गैरकानूनी सम्झौताका आधारमा ठगी हुन लागेको आसंका गर्छन । जसका कारण एकातिर यो विज्ञापन स्वयं गैर कानूनी छ भने अर्कोतिर यसमाध्यमवाट नेपालीहरु कोरिया अाएमा उनीहरु जोखिममा पर्न सक्ने स‌‌ंभावना पनि छ । जसका कारण सरकारले यी महिला पठाउनुअघि उनीहरुलाइ कोरियामा कसरी सुरक्षित गर्न सकिन्छ भन्नेवारे अध्ययन गर्नुपर्छ । साथै गैर कानूनी रुपमा पठाउन लागिएको हो भने यसलाइ तुरुन्त रोक्नुपर्छ । किनकी कोरिाली कानून विपरित गरिएका सम्झौताहरु यहाँ अमान्य हुनेछ । त्यसो त विज्ञापनमा उल्लेखित कम्पनीवारे पनि यहाँ रहेा नेपाली र नेपालीसँग संलग्न कोरियालीहरु पनि अनभिज्ञ छन । कोरियास्थित नेपाली दुतावासका सहचारी हाकिम भण्डारीले पनि यस विषयको जानकारी दुतावासलाइ नभएको बताए ।

कोरियामा विभिन्न नाइट क्लव तथा डान्सवारहरुमा निकै अघिदेखि नै रुसऽ फिलिपिन्सऽ थाइल्याण्ड र भियतनामका महिलाहरुले काम गर्ने गरेका छन । यी देसहरुले इन्टरटेनमेन्ट उद्योगमा नागरिक पठाउने सम्झौता गरेका छन । चिन र इन्डोनेसिया जस्ता देसले निर्माण कम्पनीका लागि कामदार पठाउछन । तर नेपालले भने इपिएस अन्तर्गत माछा मारनऽ कृषि र म्यानुफ्याकचरिङमा मात्र कामदार पठाउन सक्छ । तसथृ यो विज्ञापन कानूनी र व्यावहारिक दुवै दृष्टिले त्रुटीपूर्ण छ । कोरियास्थित नेपाली जनसम्पर्क समितीका अध्यक्ष डेविट राइले क्लवमा काम गर्ने एक रसियाली महिला दर्दनाक रुपमा मारिएको उदाहरण दिदै वेलैमा सतर्कता अपनाउन आग्रह गर्छन । कोरियामा वेश्यावृत्ती गैर कानूनी भएपनि मध्य शहरका विभिन्न भागहरुमा देख्न सकिन्छ । यसवाहेक अन्य विभिन्न ठाँउमा इन्टरटेनमेन्ट क्लवहरु खुलेका छन । कोरियाली नागरिक वाहेक अमेरिकी सैनिक र करीव १० लाख आप्रवासीले भरिएको कोरियामा इन्टरटेनमेन्ट इन्डस्ट्रिजमा विदेसी महिलाको माग बढेको छ ।