भारतको एउटा अदालतले सन् दुई हजार तीनमा पचासजना मारिने गरी मुम्बइमा गराइएको बम आक्रमणमा संलग्न भएको अभियोगमा तीनजनालाई मृत्यु दण्डको सजाय सुनाएको छ। सो अदालतले गत महिना हानिफ सायद, उनकी श्रीमती तथा आसरत अन्सारीलाईसो बम आक्रमणमा संलग्न भएको ठहर गरेको थियो।
भारतको प्रवेश द्वारको रुपमा चिनिने मुम्बइमा भएको सो आक्रमणले भारतको सुरक्षा व्यवस्थामा प्रश्न चिन्ह खडा गरेको थियो। उनिहरुले गुजरातमा केही वर्ष अघि भएको दंगामा मुसलमानहरु मारिएको विरोधमा सो आक्रमण गरेको बताएका थिए।
गत वर्षको नेभेम्बरमा भारतको मुम्बइमा गराइएको आतंकबादी आक्रमणमा परी एक सय सत्तरीभन्दा बढी मानिसको मृत्यु भएको थियो।
